തപാൽ വകുപ്പിൽ ഇൻഷുറൻസ് ഏജന്റ്/ ഫീൽഡ് ഓഫീസർ തസ്തികയിൽ നിയമനം

കോഴിക്കോട് ജില്ലയിലെ പോസ്റ്റൽ ഡിവിഷനിലേക്ക് പോസ്റ്റൽ ലൈഫ് ഇൻഷുറൻസ് ഗ്രാമീണ തപാൽ ഇൻഷുറൻസ് വിപണനത്തിനായി കമ്മീഷൻ വ്യവസ്ഥയിൽ ഉദ്യോഗാർത്ഥികളെ നിയമിക്കുന്നു. ഇൻഷുറൻസ് ഏജന്റ്/ ഫീൽഡ് ഓഫീസർ തുടങ്ങിയ തസ്തികകളിലാണ് നിയമനം. യോഗ്യരായ ഉദ്യോഗാർഥികൾക്ക് 2020 ഡിസംബർ 2 വരെ ഓൺലൈൻ വഴി അപേക്ഷിക്കാം. താല്പര്യമുള്ള ഉദ്യോഗാർഥികൾക്ക് ചുവടെ കൊടുത്തിട്ടുള്ള വിദ്യാഭ്യാസയോഗ്യത, പ്രായപരിധി എന്നിവ പരിശോധിക്കാവുന്നതാണ്.

പ്രായപരിധി വിവരങ്ങൾ

1. ഇൻഷുറൻസ് ഏജന്റ് :

18 വയസ്സിനും 50 വയസ്സിനും മധ്യേ പ്രായമുള്ള സ്വയം തൊഴിൽ ചെയ്യുന്ന യുവതിയുവാക്കൾ, തൊഴിൽരഹിതർ

2. ഫീൽഡ് ഓഫീസർ :

65 വയസ്സിനു താഴെ പ്രായമുള്ള കേന്ദ്ര/ സംസ്ഥാന സർവീസിൽ നിന്നും വിരമിച്ച വ്യക്തികൾ.

വിദ്യാഭ്യാസയോഗ്യത

അപേക്ഷകർ പത്താംക്ലാസ് പാസായിരിക്കണം

അപേക്ഷിക്കേണ്ട വിധം

▪️ യോഗ്യരായ ഉദ്യോഗാർഥികൾ 2020 ഡിസംബർ 2 ന് മുൻപ് ഇമെയിൽ വഴി അപേക്ഷിക്കണം.

▪️ അപേക്ഷകർ ബയോഡാറ്റ, വയസ്സ്, വിദ്യാഭ്യാസയോഗ്യത, പ്രവർത്തി പരിചയം എന്നിവ തെളിയിക്കുന്ന സർട്ടിഫിക്കറ്റുകൾ സഹിതം postdirecrt.clt@gmail.com എന്ന ഇ മെയിലിലേക്ക് അയക്കുക.